Хүүхдээ Аутизмын хүрээний эмгэгтэй гэж оношлогдсоны дараа ээж аавуудын сэтгэл санаа удаан хугацаанд санаа зовниж эргэлзэж байсан бол оношоо мэдсэндээ харьцангуй тайвширдаг бол зарим ээж аавууд маш ихээр хямарч сэтгэлээр унадаг. Бид таныг ойлгож байна.
Та мянган мянган онцгой хүүхдүүдтэй хүчирхэг ээж аавуудын нэг болж үргэлж итгэл найдвараа алдалгүйгээр илүү хүчирхэг байж онцгой төрсөн хүүхэддээ сайхан ирээдүйг бэлэглэх аялал энэ мөчид эхэлж байна.
СЭТГЭЛ САНААНЫ ХЯМРАЛАА ДАВАН ТУУЛАХ
ДЭЭРЭЛХЭЛТЭЭС ӨӨРИЙГӨӨ ХАМГААЛАХ ЧАДВАР ХӨГЖҮҮЛЭХЭД ТУСЛАХ НОМУУД
Дээрэлхэлтийн тухай тухай номын ач холбогдол
Бид хүүхдүүддээ дээрэлхэлтийн сөрөг нөлөөний тухай ойлгуулах нь юу юунаас илүү чухал болоод байна. Учир нь дээрэлхэлт нь дээрэлхүүлэгч ба дээрэлхэгч талын аль алинд насан туршид үлдэх эрүүл мэнд ба сэтгэлзүйн сөрөг нөлөө үзүүлдгээс гадна зарим тохиолдолд хүүхэд амиа хорлох зэрэг аймшигтай үр дүнд хүргэдэг. Гэтэл хүний эрхийн Үндэсний Комисс 2017 оны Улаанбаатар хотын 7 дүүрэг, 8 аймгийн нутаг дэвсгэрт амьдарч буй 12-18 насны нийт 4264 хүүхдээс авсан судалгаагаар эдгээр хүүхдүүдийн 82.8 хувь нь ямар нэгэн байдлаар хүчирхийлэлд өртөж байсан гэж хариулсан харамсалтай тоо баримт байна.
Иймээс бид дээрэлхэлтийг ойлгож дээрэлтийг таслан зогсоох үр дүнтэй аргуудыг ойлгуулж, сургахад туслах номуудаар бэлэг барьж байна.
Өөртөө итгэ Буянаа
Буянаа бол бусдаас өөр онцгой охин. Гэвч эмээ нь түүнийг сайн сургасан тул хэрэв түүнийг хэн нэгэн дээрэлхэх гэвэл юу хийхээ сайн мэднэ.
Дээрэлхүү хүү
Дээрэлхэлттэй тэмцэх чухал аргуудын нэг нь хүүхдүүд бие биенээ хамгаалж өмгөөлөх байдаг. Энэхүү ном хүүхдүүд дээрэлхэлтийг зүгээр хараад зогсох эсвэл юу ч хийхгүй биш харин бие биенээ хэрхэн хамгаалж болохыг ойглуулна.
Гэгээтэй хамт алхая
Нэг л хүний сайхан сэтгэл, зөв үйлдэл бусдыгаа хэрхэн эерэгээр үлгэрлэж, дээрэлхэлтийг эсэргүүцэж чаддагийг энэ номноос уншаарай.