Хүүхдээ Аутизмын хүрээний эмгэгтэй гэж оношлогдсоны дараа ээж аавуудын сэтгэл санаа удаан хугацаанд санаа зовниж эргэлзэж байсан бол оношоо мэдсэндээ харьцангуй тайвширдаг бол зарим ээж аавууд маш ихээр хямарч сэтгэлээр унадаг. Бид таныг ойлгож байна.
Та мянган мянган онцгой хүүхдүүдтэй хүчирхэг ээж аавуудын нэг болж үргэлж итгэл найдвараа алдалгүйгээр илүү хүчирхэг байж онцгой төрсөн хүүхэддээ сайхан ирээдүйг бэлэглэх аялал энэ мөчид эхэлж байна.
СЭТГЭЛ САНААНЫ ХЯМРАЛАА ДАВАН ТУУЛАХ
ӨӨРТӨӨ ИТГЭЖ, ТУУШТАЙ БАЙХ ЧАДВАР ХӨГЖҮҮЛЭХЭД ТУСЛАХ НОМУУД
Бид хүүхдүүдээ өөртөө итгэлтэй байхыг хүсдэг ч нийгмийн дарамт, бусдын үзэл бодол үүнд байнга сөргөөр нөлөөлж байдаг (ялангуяа хөгжлийн хоцрогдол, бэрхшээлтэй хүүхдүүдэд). Иймд хүүхэд өөрийгөө хэн гэдэгтээ дуртай байх, ямар ч бэрхшээлтэй тулгарсан даван туулна гэдэгтээ итгэдэг байхыг зааж сургах эртдэхгүй. Энэхүү ном нь өөртөө итгэхийн ач холбогдлын тухай ойлгож унших ярилцах боломжийг олгоно.
Өнхөрч сурсан нь
Тууштай байх, бууж өгөхгүй олон янзаар оролдох, өөрийн сэтгэл хөдлөлийг танин мэдэж, удирдсанаар хүссэн зорилгодоо хүрч болохыг энэ номоор дамжуулан хүүхдэдээ зааж өгөөрэй.
Томоор мөрөөд Буянаа минь
Болхи, эв хавгүй, юунд ч авьяасгүй мэт санагддаг Буянаа олон зүйлийг туршсаны эцэст мөсөн коток дээр гулгаж үзэхдээ өөртөө итгэж эхэлсэн тухай хөөрхөн түүхийг хүүхэдтэйгээ хамт уншаарай.
Чи гайхалтай жаргалтай байх 10 арга
Хүүхэд бүр өөр өөрийнхөөрөө онцгой бөгөөд гайхалтай. Мөн хүүхэд бүрд аз жаргалтай, амжилттай амьдрахад шаардлагатай бүх зүйл байдаг гэдгийг ойлгуулахад энэ номыг ашиглаарай.